கொத்து, ப்ரைட் ரைஸ் விலை உயர்வு

 

உணவுப் பொருட்களின் விலைகளில் அதிரடி மாற்றம்:  

இலங்கையில் இன்று (ஏப்ரல் 6) நள்ளிரவு முதல் நடைமுறைக்கு வரும் வகையில், பிரதான உணவுப் பொருட்களின் விலைகளில் திருத்தங்கள் மேற்கொள்ளப்பட்டுள்ளதாக அகில இலங்கை சிற்றுண்டிச்சாலை உரிமையாளர்கள் சங்கம் அறிவித்துள்ளது.

விலை அதிகரிப்பு விபரங்கள்

சமையல் எரிவாயுவின் விலை அண்மையில் அதிகரிக்கப்பட்டதை அடுத்து, உணவகங்களில் விற்பனை செய்யப்படும் சில பிரதான உணவுகளின் விலைகளை உயர்த்த தீர்மானிக்கப்பட்டுள்ளது. இதன்படி:

 • கொத்து (Kottu) - 20 ரூபாவினால் அதிகரிப்பு.

 • ப்ரைட் ரைஸ் (Fried Rice) - 20 ரூபாவினால் அதிகரிப்பு.

 •  சோற்றுப் பொதி (Rice & Curry) - 20 ரூபாவினால் அதிகரிப்பு.

சமையல் எரிவாயு விலை உயர்வினால் ஏற்படும் மேலதிக செலவீனங்களை ஈடுசெய்யவே இந்த விலை உயர்வு அமுல்படுத்தப்படுவதாக சங்கத்தின் தலைவர் ஹர்சன ருக்‌ஷன் தெரிவித்துள்ளார்.

விலை குறைப்பு விபரங்கள்

அதேவேளை, பொதுமக்களுக்கு ஓரளவு நிவாரணம் வழங்கும் வகையில் ஏனைய சிற்றுண்டிகளின் விலைகளை குறைக்க சங்கம் நடவடிக்கை எடுத்துள்ளது.

 ஏனைய சிற்றுண்டிகள் (Short Eats) - 10 ரூபாவினால் குறைப்பு.

சந்தையில் தேங்காய் எண்ணெய்க்கான விலை வீழ்ச்சியடைந்துள்ளமையைக் கருத்திற் கொண்டு, இந்த விலை குறைப்பு தீர்மானம் எடுக்கப்பட்டுள்ளதாக ஹர்சன ருக்‌ஷன் மேலும் குறிப்பிட்டுள்ளார்.

இந்த விலை மாற்றங்கள் அனைத்தும் இன்று நள்ளிரவு முதல் நாடளாவிய ரீதியில் உள்ள அனைத்து சிற்றுண்டிச்சாலைகளிலும் நடைமுறைக்கு வரும் என எதிர்பார்க்கப்படுகிறது.